La scoula cumainza pür a las 8h45, per cha eir ils uffants chi vegnan dad oters cumüns hajan la pussibiltà da visitar la Scoula Rudolf Steiner a Scuol. Lündeschdi, mardi e gövgia spordscha la scoula üna maisa da mezdi (regiunal, stagiunal, biologic). In venderdi mainan ils uffants ün picnic. In marcurdi davomezdi esa liber.

Ün di da scoula Rudolf Steiner cumainza cun üna celebraziun da la daman cumünaivla cun tuot ils uffants e magisters/ras. Dürant l'instrucziun principala chi segua vegn instrui dürant 3 fin 5 eivnas (in uscheditas „epocas“) lingua, matematica, fisica, biologia, chemia, geografia ed istorgia. Davo üna posa seguan roms chi cumpletteschan praticamaing l'instrucziun principala o l'instrucziun da roms: linguas estras, musica, euritmia, gimnastica, disegn, lavurs a man, cuschinar ed orticultura. Davomezdi, tenor s-chalin, esa amo üna jada temp per l'instrucziun da roms, avant chi finischa il di da scoula.