La Scoula Rudolf Steiner Scuol festagescha quist on seis 23avel anniversari. Situada immez la cuntrada alpina da l'Engiadina bassa è'la l'unica scoula Steiner in Grischun.
La Scoula Rudolf Steiner Scuol es üna scoula publica da portaders libers, üna scoula da di chi lavura tenor la pedagogia Waldorf da Rudolf Steiner.

Per il mumaint visiteschan bundant 20 scolaras e scolars da 1. fin 8avla classa la scoula e vegnan instruidas ed instruits in 3 gruppas da differentas annadas dad üna persuna d'instrucziun per gruppa. Insaquants/as magisters/ras da rom cumpletteschan il collegi.

La particularità da la scoula es sia grondezza ed il ambiaint natüral e cultural, l'Engiadina e la lingua rumantscha. La grondezza da l'instituziun permetta als uffants dad imprender in ün ambiaint familiar. Ün pilaster important da la pedagogia sun las experienzas multifarias illa natüra. Dis da turas da chaminar e da skis sun per ils uffants plü giuvens part dal program da l'eivna e per ils plü gronds daja ün program varià da gitas da stà e d'inviern.

No ans allegrain da Lur visita e Tils invidain cordialmaing ad imprender a cugnuoscher nossa scoula.