Daspö 25 ons es la Scoula Rudolf Steiner dachasa illa Chasa Denoth. Da prümavaira dal 2023 ha la società da scoula pudü cumprar l'immobiglia in contrat da dret da construcziun, cuort avant ch'ella füss gnüda vendüda ad investurs.
D'instà dal 2023 han cumanzà las prümas lavurs da müdamaint da fabrica. Las s-chalas e las entradas vers ils plans sura sun gnüdas fattas nouvas. Installaziuns sanitarias ed electricas han stuvü gnir renovadas. I'l plan terrain haja dat üna chadafö, üna stanza da magistras e magisters, 2 locals sanitaris nouvs ed üna bella gardaroba. Las duos stanzas da scoula han survgni fuonds nouvs, sun gnüdas sanadas e pitturadas. A temp pel on nouv da scoula 2024-2025 ha la cumünanza da scoula pudü far müdada i'ls locals nouvs e clers dal plan terrain. Che dalet!
Actualmaing (settember 2024) tschercha la società da scoula 60'000.- duns e subsidis da fundaziuns per pudair finir l'etappa 1. Ün'abitaziun vegn preparada per dar darcheu a fit ed i da duos stanzas da scoula nouvas.
Scha no chattain 30 persunnas chi sustegnan a no cun 2'000.- vain no ragiunt nos böt!
Sun Els/Ellas pronts/as da sustgnair l'avegnir da la Scoula Rudolf Steiner? Per Lur dun ingrazchain no da cour!
Duns a la Scoula Rudolf Steiner pon gnir trats giò da las impostas.
