„Es geht im weitesten Sinne um die Frage, was eigentlich ein sinnhaftes Dasein ist und was pädagogisch notwendig wäre, damit wir Kindern eine Umgebung schaffen, in der sie so aufwachsen können, dass sie ihr Leben mehr und mehr im Zuge ihres Bewusstwerdens für die Welt und für sich selbst als ein sinnvolles Leben erfahren können.“
(Henning Köhler in 'Vom Wunder des Kindseins')
Nossa scoula lavura tenor la pedagogia da Rudolf Steiner o pedagogia Waldorf, ingio cha'l punct central es il svilup da l'uffant. Davo quel as drizza il plan d'instrucziun chi ha per böt cha minch'uffant po sviluppar libramaing tenor età sia individualità.
Chi est tü?, dumonda il magister. E: Co poss eu güdar a tai da viver teis esser?
Pensar, saintir ed agir – cheu, cour e man: quista triada marca l'instrucziun e la cumünanza illa Scoula Rudolf Steiner Scuol.
La scoula renunzcha consciaintamaing da selecziunar tenor dun e prestaziun e promouva tras gruppas da differentas etats il prozess social da l'imprender e da l'instrucziun. Ils uffants imprendan sainza il squitsch da notas.
Scienza, art e spiritualità sun ils pilasters da las scoulas Rudolf Steiner i'l muond inter. No eschan üna scoula moderna, orientada vers l'avegnir, cun
üna fuormaziun generala amplia e fundada
üna fuormaziun artistica approfundida
ün process da fuormaziun da la voluntà tras movimaint fuormà e repetiziun ritmica
lavurs manualas e progets interdisciplinars
la promoziun d'autocumpetenza e cumpetenza sociala, portada d'üna concepziun cristiana, spirituala e libra da confessiun da l'uman
Nos böt es cha'ls futurs creschüts possan surtour consciaintamaing responsabiltà per lur vita, la società ed il muond sco persunas chi pensan, saintan ed agischan da maniera autonoma.
