Sco il di es eir l'on structurà da maniera ritmica. Las festas grondas annualas sco Johanni, Michaeli e Nadal cha no festagiain per part insembel culla scoula d'Avrona, sun puncts culminants allegraivels da l'on da scoula. Movimaint ans sta particularmaing a cour. Tschertas sequenzas da l'instrucziun han lö our il liber o cha no mettain da la vart bancs e sopchas per imprender in movimaint.
Tuot ils/las colars/as fan implü tenor stagiun gitas o gitas da skis, van a rampignar o a far passlung. I nu va be per la prestaziun sportiva, d'impersè eir per l'experienza intensiva dal esser collià cun las muntognas e la natüra. In quistas occasiuns tschüffan ils magisters e las magistras sustegn professiunal da guidas da muntogna e manaders/ras da turas.